Kryeministri Edi Rama ka mbërritur në qytetin e Barit në Itali pasditen e sotme.
Në aeroportin e Barit, kryeministri Rama u prit nga Presidenti i Rajonit të Pulias Michele Emiliano dhe zyrtarë të tjerë.
“Miqësia midis Puglias dhe Shqipërisë është gjithmonë e më e fortë. Mirësevini kryeministri shqiptar Edi Rama, nesër do të jemi bashkë në Fiera Del Levante për të folur për ekonominë blu – një formë zhvillimi që nuk pengon rritjen e brezave të ardhshëm, duke u kujdesur për mjedisin – dhe bashkëpunimin në Mesdhe,“-shkruan Emiliano.
Rama do të marrë pjesë ditën e nesërme në forumin “Ekonomia Blu në Mesdhe, dhe Mundësia për Bashkëpunim” të organizuar nga Rajoni i Pulias.
Ditën e sotme, kryeministri Edi Rama ftoi opozitën e vendit në dialog pa kushte për Reformën Zgjedhore. Kryedemokrati Lulzim Basha e quajti ofertën të pasinqertë.
