Kancelarja gjermane, Angela Merkel në një konferencë të përbashkët me kryeministren e Serbisë, Ana Barnabiç ka folur për procesin e çeljes së negociatave për Shqipërinë dhe Maqedoninë e Veriut.
Merkel tha se qeveria gjermane ka dhënë një rekomandim pozitiv për Shqipërinë dhe Maqedoninë e Veriut, me disa specifika të vetat.
“Qeveria Federale ka dhënë rekomandime pozitive me aspekte të ndryshme për Maqedoninë e Veriut dhe Shqipërinë. Por nuk mund të parashikoj rezultatet e Bundestagut gjerman. Por besoj se do të marrim një vendim së shpejti dhe në kohën e duhur”, tha Merkel.
Parlamenti gjerman voton me 26 shtator për çeljen e negociatave. DW raportoi sep për Shqipërinë pritet të vendosen kushte, ndërsa Maqedonia e Veriut mund t’i fillojë negociatat qysh në janar.