Faqja në rrjetet sociale “Ngop TV”, njihet për duplimet e saj pikante dhe me figurat e politikanëve.
Së fundmi ka dupluar intervistën e ish-ministrit të Brendshëm Saimir Tahiri për mediat pas pretencës në datën 10 shtator, ku prokuroria kërkoi dënimin e tij me 12 vite burg, që në rast dënimi konvertohen në 8 vjet për shkak të gjykimit të shkurtuar (ulje me 1/3), për tre vepra të rënda penale “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes ‘Habilaj’.
Në videon e dubluar Tahiri shprehet se bari është antistres dhe u mundua që të ulte çmimin për të patur akses të gjithë, por u kryqëzua si Prometeu.
“Punë të pista nuk ka, puna është nder motra, kupton. Trafiku i drogës nuk është aq punë e ndershme po varet se për çfarë droge bëhet fjalë.Drogë mund të quhet kokaina ose ekstazia, bari është antistres mo vlla, prandaj kur kam qenë ministër bëra të pamundurën që çmimi i barit të ulej, në mënyrë që të gjithë kishin akses. Mua sot po më kryqëzojnë njës siç kryqëzuan Prometeun, i cili mori zjarrin dhe ua dha njerëzve me dashamirësi, megjithatë hajdmo s’ka problem, se si i thonë asaj burgu për burrat është, tani ka edhe gra nëpër burgjet por unë kam për t’u futur si burrë sesi dal pastaj …” -shpreht Tahiri në videon e dubluar.
Kujtojmë se nesër, më datë 19 shtator, do të dalë vendimi i Gjykatës për Tahirin.