Ndryshe nga opozita, mazhoranca nuk mendon se vendi është në krizë politike. Deputeti Ervin Bushati i ftuar në RTV Ora, thotë se vendi mund të jetë në krizë vetëm kur mazhoranca nuk ka numrat dhe nuk vazhdon dot qeverisjen.
Ervin Bushati: Në definicion nuk ka krizë, kriza është kur mazhoranca nuk bën dot numrat. Ne kemi numrat në parlament, qeverisja vazhdon.
Po ndryshe mendon gazetari Enton Abilekaj. Ai thotë se mazhoranca e ndjen vetëm krizën për ndarjen e tenderave brenda grupimeve të saj dhe nuk e percepton situatën e rënduar në të cilën ndodhet vendi.
Enton Abilekaj: Nuk ka krizë të qeverisjes. E vetmja krizë që ka qeveria sot është se kush do të marrë tenderat. E keni parë si zihen, si hahen për tenderat sikur janë kocka. Kjo është kriza që ka tani mazhoranca, paratë po mbarojnë siç duket dhe duan ti hanë secili sipas grupimeve të veta. Zihen grupimet brenda mazhorancës me njëri-tjetrin, kjo është kriza që ka mazhoranca. Krizë qeverisje në numra nuk ka. Është një krizë parlamentare që reflektohet te mungesa e 18 deputetëve në parlament, janë 120 deputetë. Opozita e votuar në 2017 nuk është në parlament. Mazhoranca ndjen krizë vetëm kur ka krizën e vet të numrave dhe tregon sesa e përgjegjshme është për fatet e vendit.Kur ka krizë vendi, duhet ta ndjejë veten në krizë mazhoranca. Nuk e ndjen.