Pas shkarkimit nga vetingu i gjyqtaritFatos Lulo se nuk justifikoi pasurinë, Kuvendi rihapi garën për anëtar të Gjykatës Kushtetuese. Ndërkohë, ditën e sotme Kuvendi ka publikuar emrat e gjyqtarëve që kanë bërë kërkesën e tyre dhe kanë dorëzuar dokumentacionin e nevojshëm për këtë pozicion .
Kandidatët janë: 1. Ardita Buna Alsula 2. Ded Kasneci 3.Klodian Rado 4. Regleta Panajoti 5. Shaqir Hasanaj 6. Vjosa Bodo Mujo.
Aktualisht Kushtetuesja ka vetëm një anëtar, Vitore Tushën, ndërkohë që duhet të ketë 9. Do të jetë Këshilli i Emërimeve në Drejtësi, i cili me anë të një grupi Gjyqtarësh dhe Prokurorësh do të kontrollojë kualifikimet e kandidatëve që janë shprehur të interesuar.
Më pas ata do të propozojnë tre emra për secilin vend në këtë gjykatë dhe më pas do të kalojë me rotacion mes Kuvendit Presidentit dhe Gjykatës së Lartë. Nëse nuk bien dakord, atëherë do të zgjidhet automatikisht kandidati i renditur më lart nga lista e KED. KED i nisi intervistatmë 7 gushtme Besnik Muçin, ndërsa i mbylli me kandidatët e tjerë Arta Vorpsi, Elsa Toska, Fiona Papajorgji, Regleta Panajoti dhe Marsida Xhaferllari.
