Presidenti i Këshillit të Europës, Donald Tusk, do të zhvillojë sot një vizitë në Tiranë, ku në axhendën e tij është vetëm një takim, ai me Edi Ramën që do të zhvillohet në orën 15:00.
Në axhendën e Tusk nuk ka takime të tjera.
Referuar asaj, duket se shkaku kryesor që Tusk vjen në Tiranë është dekorimi me medalje nga Kryeministri Edi Rama.
Sipas axhendës së bërë publike Donald Tusk, pas një takimi 30 minutësh me Kryeministrin Edi Rama në orën 15:00, zhvillohet ceremonia e dekorimit të tij nga kreu i qeverisë.
Vizita e kreut të KE në Tiranë vjen vetëm një muaj para vendimit të Këshillit Evropian për çeljen ose jo të negociatave të Shqipërisë me Bashkimin Evropian.
Para vizitës në Tiranë, Donald Tusk do të vizitojë Maqedoninë e Veriut, ku pritet të zhvillojë takime në Shkup me Presidentin Stevo Pendarovski dhe Kryeministrin Zoran Zaev.
Në 18 tetor, Shqipëria dhe Maqedonia e Veriut presin përgjigje nga BE për negociatat me BE-në.