Kryebashkiaku i Tiranës, Erjon Veliaj, u pyet mbrëmjen e djeshme në emisionin Realy Story, nëse ishte i gatshëm për të marrë postin e Kryeministrit. Veliaj tha se nuk e dinte, por shtoi se pasioni i tij ishte kjo punë që bënte.
Kryebashkiaku iu shmang një përgjigjeje të drejtpërdrejtë, por vlerësoi Kryeministrin Edi Rama lidhur me mënyrën sesi po menaxhonte dhe përballonte problemet.
“Tirana ka 1001 pobleme dhe u jam shumë kritik”, tha Veliaj, ndërsa gazetari Sokol Balla ndërhyri “nëse Tirana ka kaq shumë probleme, atëherë kushedi sa probleme ka Shqipëria. A jeni i gatshëm të merrni postin e Kryeministrit?”.
“Nuk e di, pasioni im është puna si kryebashkiak, po punojmë bashkë me qytetarët për të ndryshuar këtë qytet. Nuk e dija që do të gjeja veten time në një punë të tillë”, tha Veliaj.
Moderatori i emisionit, Sokol Balla, i tha se pasioni ka një fund, por Veliaj nuk vijoi më tej debatin.
