Kryeministri Edi Rama shprehet se nuk do të ketë zgjedhje të parakohshme parlamentare. Deklaratën e bëri në një intervistë për Tv Klan, transmetuar këtë të hënë.
Rama tha se zgjedhjet e radhës janë në vitin 2021.
Ndërkohë, nga kampi opozitar janë të bindur se do të shkohet në zgjedhje të parakohshme. Në një deklaratë pak ditë më parë, nënkryetari i PD Edi Paloka është shprehur se zgjedhjet e parakohshme do të zhvillohen maksimumi në pranverë. Edhe kryetarja e LSI-së ka artikuluar se po përgatitet për zgjedhjet e parakohshme që do të zhvillohen “së shpejti”.
