Grupi Parlamentar Demokrat i është drejtuar Prokurorisë së Tiranës me një kallëzim për PPP-të e rrugëve Orikum-Dukat dhe Milot-Balldren.
Deputetët i kërkojnë organit të akuzës “fillimin e procedimit penal në funksion të veprave penale të parashikuara nga neni 258 i Kodit Penal “Shkelje e barazisë në tendera” dhe nenit 248 i Kodit Rrugor Shqiptar, Autoriteti kontraktor deri tek vendimarrje e Këshillit të Ministrave lidhur me shkeljet penale të konstatuara që kanë të bëjnë me PPP për segmentin rrugor “Porti i Jahteve- By Pas- Orikum- Dukat dhe PPP për segmentin rrugor Milot-Balldren”.
Padia u depozitua në Prokurorinë e Tiranës nga deputeti Halit Valteri.
Pak ditë më parë Rudina Hajdari paralajmëroi se grupi i saj parlamentar do të depozitonte një kallzim penal në prokurori lidhur me PPP për dy projektet e rrugëve Milot-Balldren dhe Orikum-Dukat, por ajo sqaroi se kjo do të ndodhte kur të ngrihej SPAK.
