Profesor Erion Kristo shprehet se nuk mund tu urojë nxënësve një nisje të mbarë të vitit shkollor.
Në një status në rrjetet sociale, pedagogu shkruan se të shkosh në shkollë nuk ka kuptim pasi ky vend drejtohet nga të paditurit.
Ndër të tjera Kristo thekson se prindërit duhet të ngrenë zërin për fëmijët e tyre, ndryshe ai nuk do të jetë as me ata.
“Sot nuk do t’i uroj fëmijët, as mësuesit, as prindërit për fillimin e vitit shkollor. Le t’i urojnë “baballarët” e kombit. Le që harrova: ku kemi ne “baballarë kombi”? Po nëse nuk kemi baballarë, pse i nderoni ata që ju ç’nderojnë? Nuk mundem t’iu uroj, sepse vajtja në shkollë s’ka kuptim. Ne drejtohemi nga të paditurit. Dhe nëse nuk ngrini zërin për fëmijët tuaj, nuk jam me ju. Tung,”– përfundon statusin e tij Erion Kristo.
