Atentat pranë shtëpisë së Presidentit/ Vriten 5 persona në një lokal

Pesë persona janë qëlluar për vdekje në një lokal pranë shtëpisë së Presidentit Meksikan Andres Manuel Lopez Obrador, disa orë para se ai të niste festimet për ditën e pavarësisë të dielën natën.

Ministria e Sigurisë Publike tha se pesë persona u vranë dhe tre u plagosën, kur një grup personash të armatosur, hapën zjarr në lokal. Ngjarja solli në kujtesë për meksikanët problemet kronike të sigurisë me të cilat përballet Lopez Obrador, një i majtë veteran i cili mori presidencën në dhjetor duke u zotuar të ulte nivelet e larta të dhunës në Meksikë.

LEXO EDHE  Ndërhyrja ushtarake në Siri, Trump telefonon Erdgoan/ Nënpresidenti amerikan jep detaje

Mirëpo që atëherë, siç shkruan “Reuters” gjakderdhja ka vazhduar dhe raporti i vrasjeve për vitin 2019 po tejkalon rekordin e përgjithshëm të vitit të kaluar. Mediat meksikane raportuan se sulmi në lokalin në Tabasco ndodhi rreth orës 8 të darkës.