Një 47-vjeçar u arrestua nga policia, pasi në sallën operative, u njoftua se drejtonte automjetin me shpejtësi dhe bënte manovra të rrezikshme në rrugë, duke rrezikuar jetën e këmbësorëve, por edhe të drejtuesve dhe pasagjerëve të mjeteve të tjera.
Pas arrestimit në kushtet e flagrancës, 47-vjeçarit iu bë testi i alkoolit nga ku rezultoi në masën 1.31 mg/l.
Shërbimet e Policisë Rrugore bënë arrestimin në flagrancë të shtetasit A. H., 47 vjeç, lindur dhe banues në Tiranë.
Mbrëmjen e së shtunës, ai drejtonte mjetin në gjendje të dehur, duke ecur në segmentin Mjull Bathore-Unazë të Madhe dhe kryente manovra të rrezikshme në rrugë duke rrezikur jetën e këmbësorëve dhe të drejtuesve të auomjeteve.
Drejtuesi i mjetit në tentativë për t’ju larguar shërbimeve të policisë ka goditur mjetin e policisë rrugore, duke rrezikuar jetën e punonjësve të policisë, por është neutralizuar dhe arrestuar në flagrancë.