Një qytetar ka zgjedhur ditën ndërkombëtare të demokracisë, për t’iu drejtuar me një mesazh ish-kryeministrit Sali Berisha dhe kreut të qeverisë, Edi Rama.
“Berisha ik! Rama ik! 30 vjet në politikë, s’latë gjë pa bërë, asnjë të ligë”, shkruhej në pankartën që qytetari mbante në duar.
Paraditen e sotme, Presidenti Ilir Meta është shprehur i gatshëm për një betejë të re në krah të shqiptarëve, për përmbysjen e atij që e quan, regjimi i oligarkëve.
“Demokraci do të thotë që çdo qytetar të jetë i barabartë para ligjit. Ndaj ne sot kemi një mision të përbashkët historik: Të shpëtojmë demokracinë nga pengmarrja e një pakice të papërgjegjshme dhe jolegjitime!
Koha nuk pret!”, shkruan Meta në rrjet.
Sipas tij, kjo është beteja jonë, e njerëzve të lirë, të ndershëm dhe punëtorë, e rinisë sonë të mrekullueshme.