Një aksident i rëndë ka ndodhur para pak minutash te “Rruga e Kombit”.
Një automjet tip “Toyota Yaris” është përplasur me anësoren e autostradës dhe për pasojë ka mbetur e plagosur një vajzë e mitur. Ngjarja ka ndodhur në afërsi të fshatit Gziq.
Mësohet se e mitura është vajza e drejtuesit të automjetit dhe burime bëjnë me dije se e ka humbur të dyja këmbët si pasojë e përplasjes.
Sipas mediave televizive ajo që e bën dhe më të rëndë ngjarjen është vonesa e ambulancës, prej më shumë se 40 minutash për të mbërritur në vendngjarje.
Ndërkohë që nuk dihet ende identiteti i shoferit të mjetit dhe të vajzës së tij. Policia pasi ka shkuar në vendngjarje po heton lidhur me rrethanat e mëtejshme të këtij aksidenti me pasoja të rënda.