E ftuar në studion e lajmeve të TV Ora, kryetarja e LSI-së Monika Kryemadhi, jo vetëm ka ripërsëritur akuzat kundër kryeministrit Edi Rama, por është shprehur se mes tij dhe Lulzim Bashës nuk do të ketë asnjëherë marrëveshje. Sipas saj opozita e bashkuar është e gatshme për dialog dhe ky dialog të bëhet i ditur për të gjithë qytetarët.
“PD dhe e gjithë opozita nuk i shmanget dialogut. Nuk e ka thënë kurrë Basha dhe nuk ka për të ndodhur asnjë marrëveshje mes tij dhe opozitës.
Çështja e marrëveshjes vjen nga Rama për të krijuar një tymnajë. Kjo përmes mesazheve nëpër media të tij”, tha Kryemadhi.
Më tej ajo foli edhe për skandalin që ka ndodhur në Berlin gjtaë takimit të Ramës me Merkel dhe ku kryeministri ka nxjerrë jashtë ambasadorin e vendit. Sipas Kryemadhit, kjo tregon se ai ka qenë në një situatë të vështirë.
“Opozita nuk i trembet dialogut, por kërkon një dialog të sinqertë. Njerëzit duhet të dinë se çfarë thuhet. Dialogu duhet të institucionalizohet.
Basha ka eksperiencën e 17 majit të 2018 kur u futën ndërkombëtarët dhe më pas u larguan. Ata përdorën institucionin e tryezës për të intimiduar qytetarët. Dhe basha e kuptoi gabimin ë bëri në 2017-ën”, tha Kryemadhi.
