Presidenti Ilir Meta, ka nderuar sot kujtimin e humbjes së Azem Hajdarit, i njohur ndryshe tanimë edhe me titullin ‘Heroi i Demokracisë’. Meta nderoi kujtimin e Hajdarit gjatë homaxheve të kryera ndaj tij ndërkohë që nuk nguroi të përcillte edhe mesazhin gjatë fjalës së tij në një prononcim për gazetarët.
Ai u shpreh qartë se kujtimi i Azem Hajdarit nuk lidhet vetëm me figurën e tij por edhe me atë që simbolizon ai, si lideri i Lëvizjes Studentore të 12 dhjetorit, duke vënë theksin tek rëndësia e zgjedhjeve të lira dhe të ndershme.
“Sot ishte një detyrim për të nisur ditën me nderim për kujtim e përjetshëm të Azem Hajdarit që solli pluralizmin politik në Shqipëri. 12 dhjetori është dita më e ëndësishme në historinë e Shqipërisë, që ndan dy epoka dhe e vendosi vendin në rrugën e duhur të demokracisë dhe të lirisë si dhe zgjedhjet e lira dhe të ndershme që duhen mbrojtur nga të gjithë dhe me çdo çmim,” u shpreh Presidenti Ilir Meta.
DENONCO