Ministri i Brendshëm, Sandër Lleshaj, ka reaguar lidhur me operacionin e koduar “LIMIT”, që çoi në pranga 57 persona, të cilët akuzohen për trafikim të lëndëve narkotike.
Duke e cilësuar këtë operacion si një sukses të autoriteteve, Lleshaj thekson se vetëm gjatë këtij viti janë finalizuar 28 operacione në fushën e narkotikëve, duke arrestuar gjithsej 170 persona dhe sekuestruar rreth 55 milion euro e shumë gjëra të tjera.
“Operacioni ndërkombëtar “LIMIT” shkatërroi sot katër grupe te organizuara kriminale me veprimtari në fushën e narkotikëve. 57 persona, në Greqi dhe në Shqipëri janë vënë përpara ligjit.
Operacioni vazhdon. Lufta kundër krimit të organizuar do të njohë vetëm përshkallëzim të mëtejshëm në funksion të përmbushjes së objektivave të mëdha për një Shqipëri të zhvilluar, demokratike dhe europiane”, shkruan Lleshaj në rrjet.
