“Venecia”/ Me 11 tetor ndërkombëtarët japin konkluzionet për Komisionin dhe Metën

Ka përfunduar takimi i Komisionit të Venecias me anëtarët e Komisonit Hetimor për çështjen e shkarkimit të Presidentit Ilir Meta. Delegacioni i Venecias ka deklaruar se më datë 11 tetor do të janë opinionin përfundimtar për këtë çështje. Kaarlo Tuori tha  se ata e kanë një ide të qartë nëse presidenti ka shkelur apo jo Kushtetutën, siç e akuzon maxhoranca.

“E kemi një ide të qartë, nëse e ka shkelur Presidenti Kushtetutën. Të gjitha takimet kanë qenë produktive, pasi morëm një informacion për të krijuar opinionin që do të dalë në 11 Tetor”, tha Tuori.

LEXO EDHE  “Bashkia gënjen me taksat, mbledh më shumë, investimet më të pakta”

Një ditë më parë, delegacioni i Venecias pati një seri takimesh me përfaqësues të shtetit e politikës.

Axhenda e takimeve nisi në orët e para të mëngjesit me deputetët e opozitës jashtë Kuvendit, Bylykbashin dhe Gjoshën, për të vijuar më pas me kreun e grupit parlamentar socialist, Taulant Ballën, krerët e grupeve parlamentare të opozitës në kuvend, kryeparlametarin Gramoz Ruçi dhe vetë kreu e shtetit Ilir Metën.

Në përfundim Komisioni i Venecias do përpilojë një raport lidhur me çdekretimin e zgjedhjeve të 30 qershorit nga Presidenti të cilin do t’ia përcjellë Komisionit Hetimor të ngritur për shkarkimin e Metës.