Prokuroria ka dhënë pretencën për ish-ministrin e Brendshëm Saimir Tahiri, në seancën e kësaj të marte. Organi i akuzës ka kërkuar 12 vite burgim, por duke marrë parasysh se Tahiri ka kërkuar gjykimin e shkurtuar dhe kjo është pranuar, në rast se dënohet në përputhje me kërkesën e prokurorisë, dënimi ulet në 8 vite burg. Po 12 vite burg u kërkua edhe për ish-drejtorin e Policisë së Vlorës Jaeld Çela, aktualisht në kërkim policor.
Sipas Prokurorisë, Tahiri ka garantuar paprekshmërinë e grupit të Habilajve në trafikimin e sasive të mëdha të drogës drejt Italisë. Katër janë episodet e trafikut të listuar nga Prokuroria. I pari në 25.10.’13, ku janë bllokuar 1.6 ton kanabis, i dyti më 27.2.’14, ku janë bllokuar 287 kg, i treti 29.7.’14 ku janë bllokuar 293 kg dhe i fundit më 9.5.’15 ku janë bllokuar 880 kg. Të gjitha të bllokuara në Itali.
Më pas, seanca vijoi me mbrojtjen e të pandehurit. Ish ministri Tahiri zgjodhi që ta bëjë vetë mbrojtjen përpara trupit gjykues, duke kërkuar pafajësi.
Vendimi përfundimtar për ish-ministrin do jepet më 19 shtator, ora 9:00.
Tahiri u mor i pandehur nën akuzat për “korrupsion të zyrtarëve të lartë”, “trafik të lëndëve narkotike kryer në bashkëpunim” dhe “grup të strukturuar kriminal” në kuadër të dosjes ‘Habilaj’.
Në korrik, Gjykata e Krimeve të Rënda pranoi gjykimin e shkurtuar për ish-ministrin e Brendshëm, çfarë do të thotë shmangie e shqyrtimit të fashikujve gjatë procesit në themel.
Saimir Tahiri, i cilësuar nga kryeministri Edi Rama si një nga ministrat më të suksesshëm të kabinetit të tij qeveritar, i ka mohuar gjithnjë akuzat ndaj tij.
Rrezikon 12 vjet burg/ Tahiri mbron veten dhe policët: Nuk flas me kode, më kanë hetuar 30 shokë …
Dëshmia e polices që udhëtoi me Habilajt: Kishte një marrëdhënie speciale me …
Gjyqi/ Tahiri zbuloi shkresën sekrete për ministren Kodheli: E informova se…
Prokuroria kërkoi 12 vjet burg/ Tahiri thumbon Maznikun e Gjonajn: Nuk kam paguar 900 euro natën…
PËRGJIMET/ A është Tahiri shefi i madh? Ish-ministri: në zyrë u takova me…
Pse nuk hetojnë edhe Edi Ramën/ Tahiri “plas bombën”: Më kanë akuzuar deri për 20 mln euro…
