Takimi/ Basha në zyrën e Metës

Kryetari i PD-së, Lulzim Basha ishte në një takim paraditen e sotme me kreun e shtetit Ilir Meta në Presidencë, që zgjati rreth 1 orë.

Nuk dihet se çfarë u bisedua në këtë takim që vjen dy ditë pas kritikave publike të Presidentit Ilir Meta për kryetarin e Partisë Demokratike.

Teksa raportonte në komisionin hetimor, ngritur për të verifikuar kushtetutshmërinë e vendimit të kreut të shtetit për dekretin që shtyu datën e zgjedhjeve lokale, Meta e quajti të papranueshëm kushtin e Bashës për të mos u ulur në bisedime me Ramën kryeministër. Të njëjtin përcaktim, Presidenti bëri edhe për kryeministrin Edi Rama, i cili sipas tij, nuk ka bërë përpjekje për dialog me opozitën për zgjedhjen e krizës politike.

LEXO EDHE  Aksident fatal/ Viktima e ëma e dy fëmijëve, plagoset bashkëshorti (EMRAT)

Në komisionin hetimor, Meta tha gjithashtu se mori “një informacion sekret që bënte të qartë që persona të caktuar do të përpiqeshin të shfrytëzonin mitingun e opozitës më 8 qershor, edhe për djegien e kuvendit të Shqipërisë”. Nga PD ndërkohë, është mohuar të kenë pasur dijeni për një plan të tillë.