Ato që ngelin në vjeshtë nuk meritojnë pushime të gjata. Kështu u shpreh Presidenti Ilir Meta në konferencën për mediat, ndërsa thumboi mazhorancën dhe Kryeministrin Edi Rama.
Meta ka vënë theksin në datën 18 tetor, ditën kur Shqipëria pret vendimin për negociatat me BE-në. Por sipas tij, propoganda mund të synojë që vëmendjen ta përqëndrojë te 11 tetori, datë kur Komisioni i Venecias do të publikojë raportin paraprak të tij lidhur me atë nëse Presidenti ka shkelur ose jo Kushtetutën për anullimin e zgjedhjeve më 30 qershor.
“E gjitha kjo është një lëvizje dëshpëruese për të shmanguar kauzën më të rëndësishme që kemi përpara që është 18 tetori. Le të merren me 11 tetorin, por të merren aq sa duhet.
Presidenti më 11 tetor është i gatshëm të marrë përgjegjësitë e tij. Por unë them që të merren me 18 tetorin. Kur ju thashë që nuk e meritonim kaq shumë pushime, nuk e kisha kot.
Zakonisht ata që ngelin në vjeshtë nuk i meritojnë pushimet e gjata”, tha Meta.
