Nëpërmjet një postimi në ‘facebook’, Ministrja e mbrojtjes, Olta Xhaçka ka njoftuar se forcat xheniere kanë parandaluar një tragjedi në fshatin Manati të Lezhës.
Xhaçka ka njoftuar se janë larguar nga kjo zonë 74 predha të luftës së dytë botërore, që peshonin rreth 50 kg.
Statusi i plotë:
Forcat e Armatosura parandaluan një tragjedi në Manati të Lezhës. Xhenierët tanë larguan nga zona e banuar 74 predha të kalibrit 150 mm, secila me peshë rreth 50 kg, sipas vlerësimeve paraprake, të Luftës së Dytë Botërore.
Arsenali i predhave u zhvendos për t’u asgjësuar në një poligon të posaçëm, ndërkohë që, prej fillimit të vitit, xhenierët e FA kanë kryer 75 operacione në të gjithë vendin, duke asgjësuar rreth 16 ton municione të rrezikshme.
https://www.facebook.com/xhackaolta/videos/1156023324604662/
