Nard Ndoka, kryetar i PDK-së, në aleancë me PD-në, ka ironizuar seancën dëgjimore të Presidentit Ilir Meta në Komisionin Hetimor parlamentar, i ngritur për shkarkimin e tij.
“Komisioni hetimor, dështoj me sukses të plotë! Në fakt duhej të paraqitej, roja i Presidencës”, shkruan Ndoka në një postim në rrjet.
Presidenti Ilir Meta për rreth 3 orë dëshmoi para Komisionit Hetimor duke dhënë variantin e tij lidhur me arsyet që e kishin detyruar për të anulluar mbajtjen e zgjedhjeve më 30 qershor.
Meta tha se kishte informacione sekrete lidhur me djegien e Kuvendit më 8 qershor, ditën që opozita organizonte protestën kundër qeverisë Rama.
