Deputeti i “opozitës së re”, Halit Valteri e konsideroi “kot” rolin e Ilir Metës për të realizuar unitetin e popullit, për sa kohë kreu i shtetit nuk arriti të sigurojë një takim të palëve politike, para se të vendoste shtyrjen e votimeve të 30 Qershorit.
Në pyetjen-koment të tij, deputeti Valteri i kërkoi presidentit Meta që të shpjegonte se, në cilin nen të Kushtetutës është bazuar specifikisht për të vendosur shtyrjen e zgjedhjeve.
Meta, duke ruajtur qetësinë, iu drejtua deputetëve se “parlamentarizimi është përvojë”, duke ironizuar në këtë mënyrë ligjvënësin Valteri, i cili, siç rezultoi, nuk e kishte kuptuar aspak qëndrimin e Presidentit deri në atë moment.
Gjithësesi, kreu i shtetit përmendi precedentët për shtyrjen e datës së zgjedhjeve, duke nisur që nga viti 1991, në kohën kur presidenti ishte Ramiz Alia.
