Pesë persona, tre prej të cilëve shqiptarë u arrestuan nga policia italiane, me akuzën e grabitjeve. Mes të arrestuarve ishte edhe një femër.
Mediat italiane shkruajnë se shqiptarët e arrestuar janë L.E., 31 vjeç, banues në Pavia, S.A., 28-vjeçare, banuese në Ravena dhe L.E., 35 vjeç, banues në Ankona.
Të arrestuarit akuzohen për kryerjen e të paktën 24 vjedhjeve, nga të cilat 18 në shtëpitë e pleqve, tre të tjera në institucione publike, ndërsa kanë vjedhur edhe tre mjete bujqësore.
Vjedhjet e grupit janë realizuar në periudhën shkurt-qershor 2018 në provincën e Pavias, Alessandria dhe Monza Brianza.
Gjatë kontrollit të shtëpive, policia gjeti dhe sekuestroi pesë radio profesionale të dyanshme për komunikime midis tyre, një detektor dhe një levë.
