Teksa kronologjikisht kemi hyrë zyrtarisht në stinën e vjeshtës, duket se temperaturat nuk po njohin zbritje dhe nuk zhiva e termometrit vijon të qëndrojë mbi 30 gradë Celsius.
Sipas sinoptikanëve kjo situatë do të vijojë edhe gjatë ditëve në vazhdim, të cilat do të karakterizohen nga moti i nxehtë.
Metereologia e MeteoAlb, Adiola Bani u shpreh:
Nesër pritet të kemi një rritje të lehtë të temperaturave, duke bërë që maksimumi të shkojë në 31-32 gradë. Parashikohet që këto temperature të vijojnë deri në mesin e muajit shtator.”
Ndërkohë moti gjatë javës që jugu dhe qendra e Shqipërisë do të dominohen nga vranësira të shpeshta.
Ajo shton:
E njëjta situatë do të paraqitet edhe ditën e nesërme për veriun, por reshjet do të shtrihen gjatë mesditës edhe në zonat qëndrore, në disa qytete të qendrës si Kruja, Tirana, Elbasani. Kryesisht rrethinat e Tiranës do të përfshihen nga rebeshet gjatë mesditës.”
Më tej metereologia tha se shtatori në përgjithësi do të jetë i ngrohtë dhe kështu do të mbyllet.
Pas datës 15 shtator parashikohet të ketë një ulje me disa gradë të temperaturave, por zhiva e termometrit nuk do të zbresë më poshtë se 26 gradë Celsius.
