Megjithë kontrollet e vazhdueshme për të ndaluar komunikimin telefonik të të burgosurve, të burgosurit shqiptarë në burgjet britanike vijojnë të sigurojnë një komunikim përmes aparateve celulare me të afërm apo miqtë e tyre.
The Sun komunikoi me disa prej të burgosurve përmes një faqeje të quajtur “The Best”, ndërsa një bisedë 10 minutëshe është siguruar me Krenar Hasanajn përmes rrjetit social Facebook.
Hasanaj, 26 vjeç, është dënuar me 8 muaj burg për posejdim lëndësh narkotike, ndërsa vuan dënimin në Suffolk.
“Është e rrezikshme. Ata mund të gjejnë telefonin tim. Unë e përdor atë për të biseduar me familjen dhe miqtë e ngushtë”, raporton The Sun.
Hasanaj regjistroi një bisedë në FaceTime me prindërit e tij dhe e vendosi atë në Facebook.
Ai shkroi se ata ishin “prindërit më të mirë në botë”.
Të burgosur të tjerë shqiptarë mund të shihen në rrjet duke përdorur celularët nga qelitë e tyre.
Karl Gardner, 28- vjeç, i cili po vuan pesë vjet në burg për posedimin e një arme zjarri- ngarkoi një video në YouTube nëntorin e kaluar duke përdorur një celular të ndaluar.
Në burgun e Stradishall, kategoria C, u kapën 237 aparate celularësh dhe 176 karikues, që mendohet se janë future brenda qelive ose nga vizitorët që kanë mundur t’i shpëtojnë kontrolleve, ose nga rojet e korruptuar të burgut.
