Dalja e Britanisë nga Bashkimi Evropian ka arritur në një pikë kritike. Nga ana e tij kryeministri Aktual Boris Johnson kërkon largimin nga BE edhe nëse nuk arrihet një marrëveshje në 31 tetor. Dhe nga ana tjetër kundërshtarët e tij që kërkojnë të shkohet në zgjedhje duke pretenduar se Johnson nuk mund të vazhdojë më tej. CNN shkruan se Johnson në fakt nuk e di se çfarë dëshiron në të vërtetë. Sipas mediave ai tashmë nuk do as zgjedhje dhe se kjo sipas tyre është mënyra më e mirë për të larguar vëmendjen nga Brexit. Kryeministri britanik, shkruajnë mediat, është duke bërë gabime të mëdha dhe si pasojë e tyre do të humbasë edhe zgjedhjet parlamentare.
CNN shkruan se Johnson vazhdon të mendojë dhe këmbëngulë se do të nxjerrë Mbretërinë e Bashkuar nga BE më 31 tetot, me ose pa një marrëveshje. Por negociatat e tij me BE duken pak a shumë të vdekura. Parlamenti miratoi një projekt-ligj këtë javë ku i kërkonte Johnson të kërkoj nga BE një zgjatje të afatit nëse nuk arrihet një marrëveshje. Ndërkohë Jonson është shprehur se do të ishte më mirë i vdekur sesa të kërkoi një vonesë të daljes nga BE. Johnson nuk ka deklaruar se do të jap dorëheqjen nëse ai do të arrinte në këtë pikë. Ndërkohë, në kohën kur ai ka vendosur të thyej ligjin me vetëdije, zgjedhjet janë mënyra e vetme.
