Bizneset në vendin tonë prej muajsh po përballen me kontrolle të shumta nga Tatimet, ku shpesh nuk kanë munguar as gjobat, por dhe mbylljet.
Kjo situata ka sjellë dhe veprimin nga ana e pronarëve të lokaleve, të cilët kanë shprehen të shqetësuar pasi nga biznes i vogël, kanë kalaur në biznes të madh.
Një situatë e tillë duket se ka ndodhur në një lokal në Tiranë, që ka kaluar nga biznes i vogël në biznes të madh. Faturën e kalimit nga biznes i vogël në të madh, pronari i lokalit ua ka kalaur klientëve, pasi ka rritur çmimin e produkteve.
“Te nderuar kliente! Ju bëjmë me dije se Organet Tatimore e kanë parë të arsyeshme që biznesi ynë të kalojë në Biznes të Madh. Nga kjo rritje e kostove jemi të detyruar të rrisim çmimin e kafes dhe ujit me 10 lek. Ju faleminderit për mirëkuptimin’ shkruhet në njoftimin e biznesit”, ka qenë ky njoftimi i bërë nga një lokal në Tiranë.
Njoftimi është shpërndarë nga gazetari Gjergj Erebara, duke shkruar: Ndërkohë fushata anti-informalitet mbërrin te lokali i lagjes.
