Një aksident i rëndë automobilistik ka ndodhur sot në rrugën nacionale Korçë-Ersekë, por fatmirësisht me pasoja vetëm në dëme materiale.
Rreth mesditës dy mjete janë përplasur në këtë aks rrugor. Aksidenti ndodhi pranë fshatit Helmës që përfshihet në zonën e Kolonjës.
Një mjet minibus me pasagjerë i linjës Ersekë-Tiranë u përplas me një autoveturë dhe sipas të dhënave të para, nuk ka asnjë person të lënduar, por vetëm dëme materiale.
Policia po heton ngjarjen dhe tha se dyshimet e para janë se aksidenti u shkaktua prej daljes nga rruga i autoveturës, duke shkaktuar edhe përplasjen me minibusin e udhëtarëve.
