Reshjet e shiut do të rikthehen të premten. Ky është parashikimi i meteorologëve, sipas të cilëve ato do të jenë të dobëta në qarqet: Shkodër, Kukës, Dibër, Lezhë dhe Korçë.
Sipas IGJEUM, në zona të kufizuara të qarqeve, nuk përjashtohet mundësia që të ketë ndonjë reshje në formë shtrëngate me kohëzgjatje të shkurtër, më e mundshme në terrenet malore (dhe ato pranë tyre) kryesisht gjatë pasditeve.
ZJARRET NË PYJE
Sot pasdite (e enjte, dt.05) dhe nesër (e premte, dt.06) pritet rrezik “I LARTË” në qarkun Fier dhe “I MODERUAR’’ në shumicen e qarqeve (siç tregohet në tabelë, respektivisht për secilin qark).
Në disa qarqe pritet rrezik “I LARTË” vetëm në zona të kufizuara, konkretisht në qarqet: Shkodër (Perëndim), Kukës (Lindje), Lezhë (Perёndim), Durrës (Perёndim),Tiranë (Perёndim) dhe Vlorë (Jug). Rreziku pritet të jetë më i lartë ditën e nesërme.
RESHJET
Sot pasdite (e enjte, dt.05) në përgjithësi, nuk priten reshje, ndërsa nesër (e premte, dt.06) priten reshje të dobëta qarqet: Shkodër, Kukës, Dibër, Lezhë dhe Korçë (siç tregohet në tabelë, respektivisht për secilin qark).
Në zona të kufizuara të qarqeve, nuk përjashtohet mundësia që të ketë ndonjë reshje në formë shtrëngate me kohëzgjatje të shkurtër, më e mundshme në terrenet malore (dhe ato pranë tyre) kryesisht gjatë pasditeve.
TEMPERATURAT
Nesër (e premte, dt.06) temperaturat minimale dhe maksimale të ajrit pritet të arrijnë:
në bregdet: 19 / 30 °C
në vendet e ulëta: 20 / 30 °C
në vendet malore: 13 / 26 °C.
ERA
Sot pasdite (e enjte, dt.05) dhe nesër (e premte, dt.06) era do të fryjë e lehtë deri mesatare.
