Një person ka mbetur i vdekur në një aksident rrugor, në fshatin Luz, në aksin Fushë Krujë-Laç. Nga informacionet paraprake që vijnë nga policia, bëhet me dije se një biçikletë është përplasur me një kamion.
Si pasojë, ka humbur jetën drejtuesi i biçikletës, rreth 50 vjeç.
“Në aksin rrugor Fushë Kruje-Laç, në fshatin Luz, një mjet tip MAN, me drejtues S.D., ka aksidentuar me pasojë vdekje shtetasin N.Sh., rreth 50 vjeç, i cili lëvizte me biçikletë. Drejtuesi i mjetit është shoqëruar në ambientet e policisë për sqarimin e rrethanave të ngjarjes”, thuhet në njoftimin paraprak të policisë.
