Sesioni i ri parlamentar, por Rudina e vjetër…
Duket se nuk ka ndryshuar asgjë në ligjëratat e deputetes Rudina Hajdari. Akuza ndaj qeverisë, akuza ndaj opozitës, vështirësi në artikulim, shumë fjalë të keqshqiptuara dhe ndonjë gafë në thuajse çdo fjalim. Kështu ndodhi edhe këtë të hënë në seancën e parë të sesionit të pestë të legjislaturës së nëntë të Kuvendit të Shqipërisë.
Deputetja Rudina Hajdari artikuloi se opozita e re do të përçajë …Shqipërinë.
“Ne (opozita në parlament) do kemi një mbështetje të gjerë në grupet parlamentare të opozitës. Ne do vijojmë që të përçajmë të gjithë Shqipërinë. Ne do vijomë që grupi demokrat të shkojë përpara dhe të vizitojë çdo qytet dhe fshat për ti treguar platformën e tyre dhe për ti ofruar alternativën e drejtë demokrate për Shqipërinë…”, tha Rudina Hajdari.
https://youtu.be/FHCeJuR8jWM
Deputetja ngatërroi edhe mbiemrin e Valdrin Pjetrit, duke e shqiptuar “Pjetrin”. “Kujtojmë rastin e Pjetrinit. Nëse ju i kosideroni një fitore të madhe dhe triumf zgjedhjet e 30-qershorit, nuk di se çfarë të them për kandidatët që zgjidhni. Një prej tyre ishte dhe Pjetrini..”.
