5 persona janë vrarë dhe 21 të tjerë janë plagosur si pasojë e një sulmi me armë në Teksas të Shteteve të Bashkuara të Amerikës.
Agresori i armatosur filloi të qëllonte me armë pasi makina e tij u ndalua nga policia. Autori u vra nga forcat e sigurisë pasi kishte hyrë në parkingun e një kompleksi.
Ende nuk ka detaje rreth viktimave, por mësohet se njëri nga të plagosurit është një foshnje 17 muajsh.
Në këtë incident mbetën të plagosur rreth 21 persona, tre prej tyre policë.
Prokurori i Përgjithshëm i Teksasit, Ken Paxton tha në një deklaratë se ai ishte “i tmerruar kur pa një veprim të tillë të pakuptimtë”.
Në një deklaratë tjetër, guvernatori i Teksasit Greg Abbott tha: Ne nuk do të lejojmë që shteti të mposhtet nga urrejtja dhe dhuna. Ne do të bashkohemi, siç bëjnë gjithmonë , për t’iu përgjigjur kësaj tragjedie.
Ndërsa në një reagim në twitter, Presidenti amerikan Donald Trump tha se ai po mbahej i informuar në lidhje me të shtënat në Teksas.
