Policia italiane arrestoi një 35-vjeçar shqiptar, i cili tentoi të largohej nga ballkoni i banesës, gjysëm i zhveshur, kur policia i trokiti në banesën ku jetonte, bashkë me një ukrainase, në Casapulla.
Shqiptari M.A, rezultonte i dënuar për krime kundër pasurisë dhe nuk kishte dokumente të rregullta.
Ai u kap nga policia, pas një gjurmimi që kjo e fundit i bëri shqiptarit, drejt banesës ku jetonte me ukrainasen.
Agjentët e kapën 35-vjeçarin, i cili tentoi të arratisej nga ballkoni i dhomës së gjumit, gjysëm i zhveshur.
Gjykata e cilësoi si të ligjshëm arrestimin dhe vendosi dëbimin forcërisht drejt Shqipërisë.
Ai rezultonte zyrtarisht i dëbuar nga territori italian, por ishte rikthyer në mënyrë të paligjshme.
