Ish-ministri i Drejtësisë Ylli Manjani ka reaguar ndaj urdhrit të paprecedentë të kryeministrit Edi Rama, i cili lajmëroi zëvendësimin e drejtorëve në Shkodër me femra.
Në një status në Facebook, Manjani shprehet se Rama “gjithmonë ka hyrë nga radha e grave”. Gratë, shton Manjani, thjesht i përdor për të justifikuar paburrnirat që ju bën shokëve politikë…
“Që në vitin 1999, kur zëvendësoi forcërisht Arta Daden në Ministrinë e Kulturës e deri më sot aty rri, te radha e grave.
Te radha e burrave nuk kishte asnjë shanc, në të vërtetë.
Hyri nga gratë dhe i zuri edhe burrat gafil.
Kjo spjegon edhe nevojën për të ndenjur me të fortë. Ata e trimërojnë…
Ndërkohë gratë thjesht i përdor për të justifikuar paburrnirat që ju bën shokëve politikë…
Dhe si grua e keqe, merr nëpër gojë gjithë dynjanë nëpër media e rrjete sociale.
Ky/kjo Kryeministër qeveris sot!”,- shkruan Manjani në Facebook.
