Monika Kryemadhi, kryetare e LSI-së, i është drejtuar me një mesazh të prerë të rinjve në kampingun e Jalës, lidhur me sfidat që i presin jo vetëm ato, por edhe shoqërinë shqiptare.
Kryemadhi theksoi se Shqipërisë i duhet guximi dhe kurajo e pjesës së saj më vitale për të ndryshuar politikën shqiptare.
“Njerëzit sot kanë nevojë për kurajo, për besim dhe forcë. Do iu thosha që ju si rini jepni forcën dhe guximin kudo që shkoni. Sot më shumë se kurrë e ardhmja e shqiptarëve është e vënë në dyshim. Duhet shembur ky realitet i hidhur që ka Shqipëria”, tha ajo.
Duke iu drejtuar të rinjve, Kryemadhi tha se ju duhet të imponoheni në politikë dhe të sillni ndryshimin.
“Unë vë re se të rinjtë këtu sa vijnë dhe rriten. Sa më shumë që LRI ritet, aq më shumë rritet dhe fuqizohet Lëvizja Socialiste për Integrim.
LSI shtohet çdo vit në çdo palë zgjedhje me 50 për qind të votuesve të saj. Marzhi i shtimit të LSI ka ardhur në rritje. Një ndër dy votues votojnë Lëvizjen Socialiste për Integrim. Ky është element i rëndësishëm dhe duhet ta keni pikën tuaj më të fortë.
Ju duhet të imponoheni në politikë dhe të sillni ndryshimin. Një rini e fortë dhe vlera e kurajo mund të ndryshojë realitetin e të detyrojë të gjithë uzurpatorët e jetës suaj që të ikin nga rruga juaj dhe ju të ecni sa më shpejt në rrugën dhe të ardhmen tuaj”, u shpreh kryetarja e LSI.
