Një 23-vjeçar u arrestua nga policia italiane në Brescia pasi u kap me 7 doza kokainë.
Policia ndaloi një automjet, ndërsa i kërkoi drejtuesit dokumentet dhe i drejtoi disa pyetje. Ky ndoshta ishte momenti që 23-vjeçari ka humbur qetësinë dhe nën panik nisi të bëjë gjeste dhe shenja, duke shmangur përgjigjet ndaj pyetjeve.
Mediat italiane raportojnë se 23-vjeçari kishte një pasaportë biometrike, ishte brenda rregullave, dhe jo i skeduar.
Ai fillimisht u shoqërua në komisariatin e policisë, ku duket se ka pranuar të bashkëpunojë, duke treguar edhe mbi 7 dozat e kokainës që kishte, të cilat i kishte futur në gojë, në momentin kur policia i kishte bërë shenjë të ndalonte.
Shqiptari ka deklaruar se kokainën do e shiste dhe me paratë e siguruara do të kalonte disa ditë pushime.
