Dhurata Çupi, ish-deputete e PD-së, në qarkun e Dibrës, ka reaguar lidhur me vendimin e Kryeministrit Edi Rama, për shkarkimin e të gjithë drejtorëve në Shkodër.
Në ditët e fundit Rama ka kërkuar largimin e të gjithë drejtorëve në Shkodër dhe zëvendësimin e tyre me gra, vendim ky që duket se do të zyrtarizohet në shtator.
Një ditë më parë kryetarja e Këshillit Bashkiak të Shkodrës kërkoi nga drejtorët që të dorëhiqen, ndërsa foli edhe për ngritjen e një komisioni qytetar, me qëllim mbarëvajtjen e punës në këtë bashki, e cila vijon të drejtohet nga Voltana Ademi, pasi kandidati i Rilindjes, Valdrin Pjetri është subjekt i ligjit për dekriminalizimin.
“Mblidhen drejtorët e një qarku në zyrat e partisë shtet dhe sipas mediave do të shkarkohen të gjithë nga detyra”, shkruan Çupi. Sipas saj, arroganca e këtij kryeministri dhe e kësaj partie që pseudodrejtojnë vendin nuk njohin kufinj.
Reagimi i Dhurata Çupit
Skandal.
Shteti nuk ka më asnji kolonë ku mund të qëndrojë. Çdo gjë është shkatërruar. Ligji ekziston vetëm në letër.
Tashmè 6 vite kanë propaganduar që drejtorët rajonalë emërohen në pozicionet shtetërore me shpallje publike dhe me garë. Sot mblidhen drejtorët e një qarku në zyrat e partisë shtet dhe sipas mediave do të shkarkohen të gjithë nga detyra. Arroganca e këtij kryeministri dhe e kësaj partie që pseudodrejtojnë vendin nuk njohin kufinj. Në fuqi eshte Kodi i Punës. Në fuqi është Ligji për Nëpunesin civil. Ky vend duhet të kete hierarki institucionesh pèr ankim.
Jo. Asnji nga këto. I thërret Ai dhe të gjithë pushohen nga puna. Asnji normë e ligjit nuk përfillet. Faturat dëmshperblyese vazhdojnë e rendojne taksapaguesit shqiptarë me miliona euro vetëm për mosrespektim të normave ligjore që mbrojnë të punësuarit në shtet.
Fajin nuk e kanë ata që ty të dalin të inkriminuar çdo person që zgjedh.
Ata kanë padyshim mëkatet e tyre dhe nuk me dhimbsen fare se kanë pranuar të perdoren kështu nga ky kryeministër, por me dhimbset ligji, shteti dhe vendi ku po shkojmë me këto marrëzi.
