Një shqiptar nga Maqedonia e Veriut është ndaluar ditën e sotme në Zvicrën Lindore pasi të hënë pasdite vrau gruan e tij me thikë në sy të djalit.
Pas vrasjes shqiptari u arratis bashkë me djalin e tij.
Vrasja sipas gazetës Blick ndodhi në Dickton dhe vrasësi i identifikuar si Ilir B u kap në Trubbach SG. Sipas familjarëve çifti jetonte i ndarë.
“Ajo i kishte thënë atij se nuk lejohej të shihte katër fëmijët për ca kohë”.
Mësohet se burri vrasës pasi u lejua ti vizitonte sërish fëmijët, mori një shtëpi me qera pranë shtëpisë së tyre.
Një mik i viktimës i tronditur nga ngjarja thase “gjithçka është shumë e pabesueshme dhe tragjike. Luiza është përpjekur që sa kohë të shpëtojë nga ai, sepse ishte i dhunshëm dhe e keqtrajtoi”.
