Një zjarr masiv ka rënë mbrëmjen e sotme në fshatin Mbreshtan të Beratit. Mësohet se zjarri ka rënë rreth 700 metra larg kullës së pusit të naftës.
Si pasojë e flakëve janë shkrumbuar rreth 3 hektar shkurre dhe afërsisht 2 dynym ullishte. Forcat zjarrfikëse kanë mbërritur në vendin e ngjarjes dhe të ndihmuar nga banorë të zonës po punojnë për neutralizimin e flakëve.
Kanë qenë punonjësit e firmës së naftës ata që kanë pikasur zjarrin dhe lajmëruan forcat zjarrfikëse. Ende nuk dihen shkaqet e zjarrit, por dyshohet se kemi të bëjmë me zjarrvënie të qëllimshme.
