Pak ditë pasi kryeministri Edi Rama mohoi të kishte qenë për pushime në Greqi, duke e cilësuar median greke qe publikoi lajmin kazan mediatik, ka ardhur reagimi nga pala e akuzuar.
Tribune.gr, duke e nisur artikullin me titull “Pse Edi Rama shkroi një koment ironik në greqisht në Twitter”, teksa i referohej përshëndetjes se Rames “kalinihta nga Surreli pedhaqia”, reagon ashpër, duke i kujtuar Rames, jo vetëm mijëra emigrantët shqiptarë që janë në atë vend, por edhe se ai ka frike nga shefi i madh Erdogan.
Në një artikull të publikuar këtë të hënë, “Tribune.gr” shkruan se reagimi i Ramës vjen pasi ka frikë se mos shefi i madh Erdogan e qorton për vizitën në Greqi.
“Kryeministri Edi Rama ka mohuar disa raportime të mediave greke se ai ishte me pushime sekrete në Greqi. Ai shkroi në Tëitter se lëvizja për pushime jo vetëm për të, por edhe për ministrat e tij është e kufizuar brenda kufijve të Shqipërisë”- shkruan media fqinje, që duke iu referuar Rames, shton se sipas tij, nga viti 2013 nuk ka patur asnjë ditë të vetme pushimesh jashtë vendit.
Kjo media kujton gjithashtu edhe mohimin qe Rama i ka bere prejardhjes se tij greke dhe thekson se “sidoqoftë, nuk është aq … tragjike te besh pushimet në Greqi”.
“Ai ka frikë se mos shefi i madh Erdogan e qorton. Edi Rama duket se harron se mijëra emigrantë shqiptarë jetojnë në Greqi. Harron që dërgesat nga këta njerëz ruajnë ekonominë jo ekzistente në Shqipëri. Ai duhet të respektojë Greqinë dhe të mos provokojë”.
