Ka shkuar në 10 numri i personave të shoqëruar në lidhje me grabitjen e një banke të nivelit të dytë në Kavajë, orët e para të kësaj të hëne.
Sipas njoftimit zyrtar, personat e shoqëruar po merren në pyetje për të mësuar më tepër informacion në lidhje me ngjarjen e ndodhur në orët e para të mëngjesit.
Policia shpjegon më tej se është grabitur bankomati i filialit të një banke në Kavajë.
Mësohet gjithashtu se kamerat e sigurisë kanë filmuar automjetin me të cilin janë larguar dy nga personat që kanë vjedhur bankomatin e kësaj banke.
Grabitësit, ende të paidentifikuar kanë shpërthyer me tritol murin e pasmë të godinës në mënyrë që të merrnin paratë. /Boldnews.al/
