Shpërthimi i karburantit, kush janë të plagosurit/ Zbulohen detaje të reja (VIDEO)

Një karburant u përfshi nga flakët mbrëmjen e djeshme në autostradën Lezhë-Laç, ndërsa janë regjistruar edhe dy shpërthime, që duket se janë shkaku i plagosjes së 6 personave.

Shkak i zjarrit mendohet se është një luatje tensioni, që pasoi me shpërthimin e depozitës së karburantit, dhe më pas një automjeti, i cili ishte aty pranë.

Si pasojë e shpërthimit të fuqishëm kanë mbetur të plagosur 6 persona, nga të cilët 2 prej tyre kanë qenë punonjës në këtë pikë karburanti. Mësohet se dy prej të plagosurve, ndodhen në gjendje më të rëndë, të cilët janë dërguar me urgjencë drejt Tiranës.

Njëri prej të plagusrve, i identifikuar si Bardhok Bushati, 36-vjeç, ka marrë dëmtime të shumta në fytyrë, dhe dyshohet se ka qenë me makinë duke kaluar rrugën në momentin që ka rënë zjarri.

Ndërkohë, i plagosur tjetër është dërguar në QSUT për shkak se ka marrë djegie në trup në masën 40%. Ai është identifikuar si N.P, rreth moshës 40-vjeç.

LEXO EDHE  I zë korenti gjatë punës, në gjendje të rëndë 2 punëtorët në Elbasan

Një dëshmitar që pa shpërthimin ka treguar për Fax News se si ndodhi ngjarja.

“Fillimisht ka shpërthyer depozita, më pas ka marrë flakë automjeti me gaz ku ka ndodhur edhe shpërthimi i dytë. Shkak sipas tij ka qenë një luhatje e energjisë elektrike.

Të plagosur janë dërguar dy punonjës të karburantit në Tiranë, të cilët kanë marrë edhe dëmtime të shumta, por janë jashtë rrezikut për jetën. 4 persona të tjerë kanë marrë lëndime të lehta dhe janë në spitalin e Lezhës”, u shpreh dëshmitari.

Dyshohet gjitashtu se shpërthimi i depozites se gazit ka ndodhur 100 m larg karburantit dhe barit në kryqëzimin e Shënkollit.