Ju ka humbur apo është dëmtuar patenta? Ja si do veproni pas 16 shtatorit

Në ju humb leja e drejtimit (patenta) apo ju dëmtohet, prej 16 shtatorit nuk do të jetë e nevojshme të nisni procedurën nga e para, por thjesht do të bëni rinovim të saj.

Drejtoria e Përgjithshme e Transportit Rrugor, nëpërmjet një njoftimi në rrjetet sociale, bëri të ditur se një tjetër risi do të vijë për të gjithë drejtuesit e mjeteve, duke shmangur në këtë mënyrë sorollatjen në zyrat e shtetit.

“Tjetër lehtësi për qytetarët, se u shkonte sa frëngut pula kur u humbte a dëmtohej patenta! Tani jo vetëm do aplikojnë më thjesht – s’vjen më 3 herë: depoziton 1 herë denoncimin dhe në afatin ligjor të prodhohet kartoni dublikat – tërheqja dhe nga i afërm me vetëdeklarim, pa mbajtur peng emigrantë a kë ka plane udhëtimi – ose aplikon/dorëzon kartonin e dëmtuar, merr dublikatin (Tirana brenda 30 min!)!”, thuhet në njoftimin e Drejtorisë së Përgjithshme të Transportit Rrugor.

Njoftimi nga Drejtoria e Përgjithshme e Transportit Rrugor

Humbje/shkatërrim patente? Përveç rinovimit qytetari do gëzojë edhe të drejtën të marrë dublikat dhe në kushte, tarifa, praktikë të ndryshuara! Dublikati (pa qenë nevoja për raport mjekësor, as foto të re) rikonceptohet si një shërbim i ri dhe me tarifë më të ulët për qytetarin!

LEXO EDHE  Vranësira dhe ulje temperaturash, parashikimi i motit për çdo qytet

Tjetër lehtësi për qytetarët, se u shkonte sa frëngut pula kur u humbte a dëmtohej patenta! Tani jo vetëm do aplikojnë më thjesht – s’vjen më 3 herë: depoziton 1 herë denoncimin dhe në afatin ligjor të prodhohet kartoni dublikat – tërheqja dhe nga i afërm me vetëdeklarim, pa mbajtur peng emigrantë a kë ka plane udhëtimi – ose aplikon/dorëzon kartonin e dëmtuar, merr dublikatin (Tirana brenda 30 min!)!

Edhe nëse zgjedh rinovimin (që kërkon foto të re dhe raport mjekësor, aplikimi i tëri në 1 herë, për humbjen që ka detyrim denoncimin, në afatin ligjor prodhohet kartoni i ri.

Kush dorëzon kartonin të dëmtuar dhe rinovon e merr direkt (Tirana prodhimi brenda 30 min)). Zgjidhet më kollaj tërë meseleja.