Arrestohen dy rusë në Sarandë/ Transportuan me jaht naftë kontrabandë…

Dy shtetas rusë u arrestuan nga policia shqiptare, pasi tentuan të kalojnë naftë kontrabandë.

Burime zyrtare nga policia bënë të ditur se shtetasit rusë M.Sh dhe K.V, përkatësisht 47 dhe 43 vjeç, u arrestuan nga policia në Sarandë, pasi po tentonin të kalonin naftë kontrabandë.

Rusët akuzohen për transportimin e rreth 1477 litra naftë me një jaht, duke iu shmangur detyrimeve doganore.

Policia e Sarandës ka bërë kapjen dhe arrestimin e këtyre shtetasve rusë, pasi ditën e djeshme, në bashkëpunim me njëri-tjetrin kanë transportuar me jahtin e tyre në det (jashtë pikës doganore Sarandë) në vendin e quajtur “Berdenesh”, 1477 litra naftë, me qëllim që t’iu shmangeshin detyrimeve doganore.

LEXO EDHE  Tërmetet, 113 banesa në Elbasan janë të dëmtuara

Njoftimi i policisë

Arrestohen në flagrancë për “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, kryer në bashkëpunim, shtetasit:

Sh., 47 vjeç, banues në Rusi dhe K. V., 43 vjeç, banues në Rusi.

Policia e Sarandës ka bërë kapjen dhe arrestimin e këtyre shtetasve rusë, pasi ditën e djeshme këta shtetas në bashkëpunim me njëri-tjetrin kanë transportuar me jahtin e tyre në det (jashtë pikës doganore Sarandë) në vendin e quajtur “Berdenesh”, 1477 litra naftë, me qëllim që t’iu shmangeshin detyrimeve ligjore doganore.