Një 16-vjeçar shqiptar është zhdukur prej 10 ditësh nga shtëpia e tij në Britaninë e Madhe. Daniel Gjinaj, 16 vjeç, prej datës 13 gusht, ka humbur kontaktet me familjarët e tij.
Në njoftimin e policisë thuhet se i riu shoqërohej shpesh me bashkatdhetarë të tij në atë qytet. Ndërsa, për herë të fundit është parë më 13 gusht, kur u largua menjëherë pas orës 02:00 duke thënë se do të takonte disa miq.
Kanë qenë familjarët, të cilët kanë bërë kallëzimin në polici, ku kjo e fundit ka nisur menjëherë kërkimet.
Autoritet angleze dyshojnë se djaloshi shqiptar mund të ketë udhëtuar në Ëorthing, Lancing ose Croydon.
“Kushdo që e ka parë ose kush e di për vendndodhjen e tij, i kërkohet të raportojë në internet ose të telefonojë policinë”, thuhet në njoftimin e policisë, botuar nga mediat britanike.
