FOTO/ Sporti në zi, gjendet e pajetë atletja e rekordeve

Margarita Plavunova, shpresa olimpike e Rusisë, u gjet e pajetë pranë një rruge në distriktin Morshansky të Tambovit të enjten, sipas agjencisë ruse të lajmeve TASS.

Vdekja e Plavunova u konfirmua më vonë nga Federata Ruse e Atletikës që raportoi se atletja ndërroi jetë si pasojë e një ataku kardiak gjatë një stërvitjeje. Trajneri i saj, Elena Menilkova, tha se 25-vjeçarja nuk ishte ndjerë mirë prej disa ditësh.

Plavunova ishte kampione kombëtar dhe mori pjesë në garat me pengesa 60 dhe 100 metra. Ajo garoi për herë të fundit më 22 qershor në një turne rajonal në Zhukovskiy. Në garën 100 metra me pengesa, ajo kapi kohën 14.06 sekonda, duke regjistruar një rekord kombëtar.

LEXO EDHE  VIDEO/ Portierit egjiptian bën një pritje të jashtëzakonshme

Raportohet se ajo shpresonte të kualifikohej në Lojërat Olimpike të vitit 2020 në Tokio dhe regjimi i saj i stërvitjes mund të ketë kontribuar në atakun kardiak.