Një i ri në Tiranë ndodhet në gjendje të rëndë shëndetësore për shkak të kontaktit me energjinë elektrike, teksa riparonte rrjetin e internetit në një shtyllë tensioni.
Sipas policisë, ngjarja ndodhi rreth orës 16:00 në rrugën “Demokracia”, ku V.N., rreth 30 vjeç, dyshohet se gjatë tentativës për të riparuar rrjetin e internetit në një shtyllë tensioni, ka rënë në kontakt me rrymën elektrike dhe për pasojë ka rënë nga lartësia duke marrë dëmtime dhe djegie.
Shtetasit i është dhënë ndihma e parë dhe u transportua në spital për ndihmë mjekësore të specializuar, shtuan të njëjtat burime ndërsa grupi hetimor ndodhet në vendngjarje dhe po punon për sqarimin e plotë të rrethanave të ngjarjes.