Nënkryetari i PD-së, Edi Paloka, ka reaguar përmes një komenti në rrjetet sociale, lidhur me deklaratën sqaruese të Prokurorisë së Përgjithshme, mbi transferimin e dosjes 184 nga Krimet e Rënda te Prokuroria e Dibrës.
“Arta Marku nuk ka kompetencë ndryshimin e “cilësimit juridik” të një çështjeje, e ka prokurori i çështjes…
Arta thjesht ndryshon prokurorët e çështjes sa herë dhe si i duhet partisë…”, shkruan Paloka në rrjet.
Në vijim nënkryetari i PD-së shkruan se pavarësisht natyrës mosbesuese, pati një lloj optimizmi mbi “drejtësinë e re”, ndërsa ironizon me transferimin e dosjes 184.
“Ndoqa një video mbi SPAK-un pak ditë më parë dhe pavarësisht se nga natyra jam mosbesues deri sa ti shoh gjërat të realizohen vërtetë, prapë pata një lloj optimizmi për “drejtësinë e re”.
Te nesërmen Arta Marku transferoi dosjen 184 nga Krimet e Rënda (çështjet që do ndjeki SPAK) tek prokuroria e Dibrës…!!!”, shkruan Paloka.
